Preto de 200 quilos de distintas especies foron requisados polo Servizo de Gardacostas de Galicia.
Os gardacostas deron o alto a unha furgoneta na zona ribeirense de As Carolinas na que se transportaban distintas especies mariñas e atopáronse con que levaba máis de 180 quilos de pescada que non alcanzaba a talla mínima requirida e, ademais, carecía documentación que avalase a súa procedencia. Tampouco tiñan acreditada a trazabilidad outros 37,2 quilos de pescada que si medía máis de 27 centímetros, nin os 220 quilos de pota, 17,5 de cabra, 10,3 de peixe espada e 7,2 de lirio que tamén había no vehículo.
Os axentes levantaron acta de presunta infracción ao propietario da furgoneta e requisaron os preto de 486 quilos de peixe que levaba en condicións irregulares. A mercadoría foi entregada a un centro benéfico da localidade.
