Os concellos da mancomunidade Barbanza -Arousa informaron que se van recuperar os mercadillos semanais en virtude das novas disposicións aprobadas pola Xunta, e despois de que os rexedores da entidade mantivesen un encontro virtual.
Ribeira será a primeira en reabrir ao completo, e aos negocios de froitas e verduras que xa se viñan instalando no aparcamento do Malecón uniranse o vindeiro sábado os de téxtil e calzado.
Boiro, Rianxo e A Pobra farán a apertura de maneira gradual, posto que o obxectivo é recuperar este servizo progresivamente.
Os mercadillos regresarán de maneira segura con distancias de seguridade, hidroxeles e vixilancia.
