Os socialistas de Ribeira presentaron un rogo para ser tratado no vindeiro pleno da Corporación relativo ao estado no que se atopan as marquesiñas das paradas de autobús no termo municipal, espazos públicos frecuentados a diario por un bo número de veciñas e veciños, sinalan, engadindo que “non presentan o mantemento máis axeitado de cara a cumprir a súa misión de lugar reservado das inclemencias meteorolóxicas”.
O PSOE de Ribeira fai saber que presentan “unha falta de limpeza evidente”, tal e como se aprecia na imaxe que acompaña o rogo, que foi obtida da marquesiña da praza do Centenario, en pleno centro urbano da localidade.
En virtude do exposto, o grupo socialista pide que “por parte de quen corresponda” se proceda a realizar una revisión e limpeza das marquesiñas instaladas nas distintas paradas de bus do concello”.
