O Concello de Boiro leva a cabo melloras no Mercado Municipal

25 Febreiro 2021
Imaxe de arquivo (antes da pandemia) da entrada do Mercado Municipal

O Concello de Boiro anunciou este 25 de febreiro que está a realizar melloras no Mercado Municipal para a posta en valor do espazo e un mellor servizo para os postos de venda e para a cidadanía. Entre os traballos que se están a levar a cabo atópase a substitución das rexas dos desaugues do chan, que eran metálicas e estaban deterioradas e atopábanse enferruxadas debido ao paso dos anos. Tamén se procede ao cambio de luminarias existentes por luces LED que “melloren a nitidez e contribúan ao aforro enerxético”, explicou o Concello.

O Goberno local engadiu que a estas melloras engadiuse hai meses a incorporación da figura do responsábel do Mercado, co obxectivo de “coordinar e realizar o mantemento do mesmo, así como servir de enlace entre os praceiros”.

Agora, engade o Concello, “estanse a levar a cabo tarefas de mantemento moi demandadas por traballadores e comerciantes, como son a substitución dos desaugadoiros que estaban oxidados por uns dun material resistente e que non se deteriore con tanta facilidade”. Nas vindeiras semanas vaise proceder tamén á dotación de imprimación do chan cunha capa anti-escorregante para evitar caídas producidas polo desgaste do piso actual.

Outros artigos

O pleno de Boiro aproba os Orzamentos Xerais do Concello

O Concello de Boiro celebrou este xoves día 20 o pleno ordinario da Corporación correspondente ao mes de xuño. A sesión contou coa ausencia dunha concelleira do Partido Popular, polo que había un total de 16 membros da corporación. O Pleno pode verse íntegro mediante...

+

Publicidade

Revista en papel

Opinión

“Non é iso, non é iso trabúcanse”. Antón Luaces

“Non é iso, non é iso trabúcanse”. Antón Luaces

Dende o clásico "pezqueñines no, gracias" dos anos 80 do sèculo pasado, a outras campañas de corte semellante desenvolvidas polo Ministerio de Agricultura, Pesca e Alimentación, os distintos gobernos españois nunca apoiaron con convencemento ao sector pesqueiro,...