A Concellería de Medio Ambiente de Porto Son realizou onte unha nova recollida de aveños. Sen embargo, tivo que proceder de novo a retirar os cascallos que se atopaban arredor de varios contedores, incumprindo todas as normas para o correcto tratamento deste tipo de refugallos e co agravante de contar o Concello cun servizo móbil de recollida gratuíta de enseres de cuxo percorrido polas parroquias infórmase ao detalle nas redes e outras canles.
Nesta ocasión, a Policía Local puido localizar o autor do incivismo, polo que se procedeu á apertura dun expediente disciplinario para o home, que levará a súa consecuente sanción.
O conselleiro de Medio Ambiente, Manel Deán, sinalou que “van perseguir a todas as persoas que fagan este tipo de actos, xa que non permitirán que o incivismo dalgúns acabe co seu traballo de coidado do medio ambiente”.
Doutra banda, os interesados nos servizos de recollida poden consultar as súas dúbidas a través das redes sociais ou do seguinte teléfono: 981867412.
