Cortada a estrada a Moldes pola caída de árbores

O Concello da Pobra do Caramiñal vén de informar de que o temporal deste martes produciu a caída de varias árbores sobre a estrada AC-302, no treito da aldea da Tomada a Moldes.

Por este motivo, o viario fica cortado mentres persoal da brigada de mantemento de estradas, coa colaboración de persoas voluntarias da Protección Civil, realizan as tarefas de retirada. Unha vez se poida restablecer o tráfico, comunicaráselle á cidadanía.