A Dirección Xeral de Emerxencias da Xunta activou un aviso de nivel laranxa por temporal costeiro e vento que afectará desde este venres ás provincias da Coruña e Pontevedra.
Espéranse ventos do sur e do suroeste que poden alcanzar os 100 quilómetros por hora e que afectarán a partir deste venres ao mediodía ao oeste e suroeste da Coruña e a toda a provincia de Pontevedra.
A Aemet tamén alerta dun fenómeno meteorolóxico adverso costeiro de nivel laranxa no litoral da Coruña e Pontevedra. Espéranse ventos do sur de forza 8, que no oeste da Coruña poden chegar a forza 9, ademais de mar combinada do oeste e do suroeste con ondas de entre 5 e 6 metros, que temporalmente poden aumentar a entre 6 e 7 metros.
No tempo a comarca e Galicia quedará durante o venres baixo a influencia dunha profunda borrasca que se situará ó oeste de Irlanda. Unha fronte asociada a esa baixa afectará á nosa Comunidade nas últimas horas do día. Prevese así unha xornada cos ceos parcialmente cubertos no norte e leste mentres que no sur e na franxa atlántica os ceos estarán cubertos, con chuvias febles e intermitentes ao longo do día. Durante a noite as chuvias serán localmente fortes no extremo oeste. As temperaturas mínimas terán un lixeiro descenso, mentres que as máximas continuarán sen cambios significativos. O vento soprará forte do sur, con refachos moi fortes no litoral e zonas altas.
Borrasca de 957 mb ao noroeste de Irlanda.Atención para venres:Ventos do sur forza 8, con intervalos de 9 no litoral atlántico. Ondas entre 4 e 5 metros, superando os 5 metros na Costa da Morte.
No mar: Vento do sur á mañá e do sur á tarde e á noite, forza 6 a 8 á mañá, 7 a 8 á tarde e 7 a 9 á noite. Vaga á mañá e á tarde e vagallón á noite. Visibilidade mala. Mar de fondo do oeste, con ondas de 2.5 a 3 metros á mañá, 3 a 4 metros á tarde e 4 a 5 metros á noite.
Mareas
| Muros | ||
|---|---|---|
| Hora* | Altura | |
| Baixamar | 02:27 | 1.4 m |
| Preamar | 08:43 | 2.9 m |
| Baixamar | 14:50 | 1.4 m |
| Preamar | 21:12 | 2.8 m |
| Vigo | ||
|---|---|---|
| Hora* | Altura | |
| Baixamar | 02:18 | 1.4 m |
| Preamar | 08:34 | 2.8 m |
| Baixamar | 14:44 | 1.5 m |
| Preamar | 21:04 | 2.7 m |
| Vilagarcía | ||
|---|---|---|
| Hora* | Altura | |
| Baixamar | 02:23 | 1.4 m |
| Preamar | 08:39 | 2.9 m |
| Baixamar | 14:47 | 1.4 m |
| Preamar | 21:09 | 2.7 m |
Cámaras web da comarca (algunha pode nun funcionar puntualmente)
- Coroso directo _ Santa Uxía de Ribeira
- Praia de Balieiros directo- Corrubedo
- Praia das Furnas directo. Porto do Son
- Praia Aguieira directo.Porto do Son
- Portosín. Porto do Son
- Sálvora. Santa Uxía de Ribeira
- Pobra do Caramiñal directo. A Pobra
