Este sábado volve o mercadiño a Ribeira, pero só con postos de alimentación e plantas

Ribeira retomará este sábado día 23 de xaneiro o seu tradicional mercadiño, restrinxido exclusivamente aos sectores da alimentación e de plantas e flores. Así o confirmou este xoves o Concello, que indica que serán uns sesenta os postos convocados, que se distribuirán por toda a explanada portuaria. O Goberno local engadiu que a distribución garantirá o distanciamento e o paso e a distancia entre os mesmos, “en comparación co seu emprazamento habitual”.

Amais, aplicaranse todas as medidas de prevención anti-COVID (distancia social, uso obrigatorio de máscaras, xel hidroalcólico a disposición dos usuarios, etc.) e tanto a Policía Local como o GAEM e Protección Civil velarán polo seu correcto funcionamento.