É moi común escoitar que o 2020 foi un ano para esquecer. E pregúntome: Iso é posible, cando miles de persoas perderon a vida sen sentir a caricia e proximidade dos seus seres queridos? Un ano, no que, o sufrimento e o desconsuelo, o medo, e a incerteza sobre o que nos estaba pasando un século despois da última pandemia destas dimensións, non é posible esquecelo.
Moitas persoas, perderon o seu traballo, pecharon colexios, empresas, autónomos, comercios, hostalería, turismo, empresas de transportes e comunicacións (portos e aeroportos), etc. Soamente funcionaban os Servizos básicos e empresas que puidesen abastecer os mercados de alimentación, medicamentos e saúde pública. Todo iso foi un expoñente claro da traxedia á que nos abocou o COVID 19.
Pero tampouco poderemos esquecer nunca, as mostras de solidariedade, de amor, de xenerosidade e desprendemento de tantas persoas, institucións, entidades públicas e privadas que deron o mellor de si mesmos, para non abandonar á súa sorte aos máis vulnerables, empezando polos enfermos, as súas familias, os sen teito, os parados forzosos e unha infinidade de afectados. A homenaxe que mellor podemos ofrecerlle é a nosa sincera gratitude e o noso eterno recoñecemento.
Tampouco deberiamos esquecer ao continente africano para o cal, esta pandemia foi máis benévola, pero onde innumerables pandemias e máis graves ( ébola, cólera, sida…) arrasan desde tempo inmemorial o seu territorio con escasísimos recursos sanitarios, económicos e humanos. Gustaríame que o noso mundo, que denominamos desenvolvido, fose máis empático, que o que nos está pasado, sirva para repensar o noso modelo de vida tan egoísta, soberbio, prepotente e insolidario. Oxalá a utopía dun mundo mellor, máis xusto, se vaia abrindo camiño e que aprendésemos que compartir é crecer, é o noso deber, e é proveitoso para a familia humana.
Así pois desexo que 2020 fose un ano, non para esquecer, e que 2021 sexa un ano para a ESPERANZA, en o que nos convenzamos de que soamente desde o Amor e a fraternidade é posible un mundo mellor.