A áreasanitaria de Santiago- Barbanza informa a última hora deste domingo da morte de 3 persoas con infección por coronavirus no CHUS. Un home de 94 anos e dúas mulleres de 91 e 86 anos. Contaban con patoloxías previas.
Mentres a punto de chegar a tres semanas de restricións Ribeira aumenta os casos positivos que chegan a 100, o que sitúa ao municipio como o de mais casos da comarca.
Segundo informa Sanidade a incidencia acumulada pasou en tres días de 338 casos a 371 por cada 100.000 habitantes, 33 casos novos . Ribeira sitúase así en parámetros similares aos que tiña o 18 de decembro, con 99 infectados e unha incidencia de 368.
Dos cinco concellos nos que ascenderon os afectados na última xornada, Ribeira é o que o fai en maior medida. Os outros concellos cunha evolución negativa son Muros e Rianxo, cada un contaxiado máis. No caso de Rinxo a incidencia acumulada ascenda a 489, a terceira máis elevada da comarca.
En Boiro os casos descenderon este sábado en tres menos co que a incidencia acumulada é de 504 casos por cada 100.000 habitantes, a segunda máis alta da comarca de Barbanza.
O primeiro posto é para Serra de Outes, con 32 casos e unha Incidencia Acumulada de 509.
Lousame volve manterse sen cambios na cifra de afectados, con 14, mentres que Noia, A Pobra e Porto do Son experimentan lixeiros descensos de entre un e tres.
