Novo aumento dos contaxios na área sanitaria de Santiago e Barbanza, que alcanza os 2.157 casos. Doce das 97 persoas hospitalizadas están en unidades de coidados intensivos.
Por outra banda o Sergas informou a última hora da mañá deste sábado de seis novos casos positivos na residencia de maiores de Ribeira. Trátase todos eles de traballadores.
En estes momentos en total rexistraronse catro falecidos, 59 positivos entre residentes e 19 traballadores afectados no brote.
Por outra banda o funeral por José Ángel López Martínez, Joseiño, falecido onte pola COVID-19 na Residencia de Maiores de Ribeira aínda que estaba no CEGADi de Santiago, celebrarase o próximo luns ás 18,30 horas na Parroquia de Santa Uxía de Ribeira, organizado polo “Pobo de Ribeira”, tal como figura na esquela. Os seus restos foron incinerados eta mañá.
Joseiño era unha persoa moi querida en Ribeira, sempre estivo vinculado o mundo do fútbol e o Atlético de Ribeira do que foi masaxista entre outros equipos. D.E.P.
