O prazo para a presentación de propostas para a realización do proxecto do novo Auditorio de Ribeira, con fecha de finalización prevista para o 2022, rematou o pasado martes cun total de 6 empresas de gran notoriedade no sector.
O novo proceso de propostas, tivo maior éxito que o anterior, debido á ampliación do orzamento para a obra, xa que o anteriormente establecido era inviable para a realización dos traballos. Deste xeito, o vindeiro venres poñeranse sobre a mesa as ofertas técnicas e analizaranse as propostas económicas expostas polas seis empresas.
Así, o orzamento actual para o proxecto do auditorio de Ribeira conta cun total de catro millóns de euros. Este diñeiro procedente principalmente dos acordos logrados polo alcalde de Ribeira, Manuel Ruiz, con varias Administracións e dos fondos europeos que pertencen ó Concello. A obra está prevista que comece en abril, logo de que a mesa de contratación
tramite a proposta o 22 de febreiro.
