O Consistorio de Ribeira deu acollida este martes 12 de xaneiro á entrega de premios do Concurso de Decoración de Nadal impulsado polo Concello de Ribeira na súa modalidade de decoración de fachadas, balcóns e xardíns. As contribucións finalmente galardoadas foron elixidas pola cidadanía nas redes sociais, ao ser as que máis gústames acadaron na páxina de Facebook de Entérate Ribeira. Ás contribucións gañadoras (primeiro, segundo e terceiro premio) entregóuselles 300, 210 e 120 euros en vales de compra.
Así, o primeiro premio foi para Elisa Mary García Fernández, de Parte ao Río (parroquia de Carreira) con 1.536 gústames.
O segundo posto ocupouno José Manuel Parada Paz, tamén de Parte ao Río, con 1.244 gústames.
E o terceiro premio foi para Ángela Pego Pérez, da rúa Xohana Torres en Abesadas (Ribeira), con 552 likes.
Durante o acto o alcalde Manuel Ruiz manifestou que “ao ser diferentes, necesitábamos unhas festas de Nadal que puideran ser alegres e vós —en referencia aos galardoados— alegrastes co voso labor moitas zonas”.
Pola súa banda, a concelleira de Cultura, María Sampedro, expresou a súa confianza en repetir a iniciativa o ano que vén e medren os participantes.
23 establecementos adheridos
Hai 23 establecementos de comercio local adheridos á campaña e nos que se poden investir os vales de compra de que consta o concurso. Son os que citamos a continuación:
1. Peluquería Imagen
2. Sportbike
3. O Capricho
4. Os Nenos
5. A Fiandeira do Rueiro
6. Abuela Gloria Vinoteca
7. Joyería Fina Carabel
8. Trazos Arte Estudio
9. Xade Complementos
10. Cempés
11. Libros Ari
12. Algodón y Regaliz
3. Trastiños Puericultura
14. Black estevez
15. Champion Sport Atmosfera
16. Administración de Loterias La Fortuna nº3
17. Genas Complementos
18. Electrodomesticos Sampedro
19. Marfil
20. Pillados
21. El Rincón del Chocolate
22. Tapicería González
23. Peluqueria y Estética Ángeles
