O ala-peche arxentino de 20 anos, Agustín “Power” Raggiati, chega como reforzo invernal para o Noia Portus Apostoli FS procedente do Palma Futsal, onde estaba xogando co seu filial na Segunda División B.
O xogador, de apenas 20 anos, é unha das grandes xoias do fútbol arxentino, onde se formou como futbolista en El Talar de Bos Aires e co que conseguir o ascenso á Primeira División na 20217/2018 con 17 anos. Ademais, “Power” Raggiati é un habitual nas categorías inferiores arxentinas, acumulando máis de 40 partidos entre a Sub 18, coa que conseguiu o subcampionato do Sudamericano, e a Sub-20.
Raggiati chega como reforzo para un Noia FS que está a ter un rendemento óptimo no que vai de competición, pero que, en palabras do seu adestrador, Marlon Velasco, “a mellora do cadro pasaba pola incorporación dun xogador de perfil zurdo, debido ás baixa de Lucas e de Rodri”.
