“O Ministerio español de Pesca urxe solucións para o TAC da xarda”. Antón Luaces

25 Xaneiro 2021

O ministro de Pesca, Luis Planas, ven de instar á Unión Europea a establecer o Total Admisible de Capturas (TAC) da xarda, debido ó próximo comezo desta pesqueira en España. Planas avoga, amáis, por acadar un equilibrio axeitado nunhas relacións comerciais sólidas.
Após o acordo acadado entre a Unión Europea e o Reino Unido, Luis Planas urxe á Comisión Europea a fixación definitiva das cotas pesqueiras pendentes para o ano 2021, no marco do primeiro consello de ministros de Agricultura e Pesca da UE tras o acordo do Brexit, consello que é tamén o primeiro que se celebra baixo a presidencia semestral de Portugal.Na orde do día desta reunión, figuraba como asunto importante as posibilidades de pesca para as poboacións compartida co Reino Unido.Para o ministro español, acadado o acordo co Reino Unido resulta esencial fixar definitivamente os TAC e cotas de pesca dos stocks compartidos -que quedaran pendentes no pasado  mes de decembro- para asegurar os intereses do sector pesqueiro. Seguridade e celeridade son necesarios neste momento, dixo o ministro Planas, quen espresou o apoio ao documento da Presidencia que servirá de guía para o desenvolvemento das consultas da Comisión co Reino Unido. Un proceso que se debe abordar con “plenas garantías e sen dilación”, á vez que se mantén a unidade de acción e a salvagarda do papel que corresponde ás institucións comunitarias.​Para o ministro trátase dun exercicio novidoso, no que deben prevalecer os principios da Política Pesqueira Común e do Rendemento Máximo Sostible (RMS) das pesqueiras. 
Preocupan as cotas de especies atlánticas vinculadas á obriga do desembarque. Por exemplo, o bacallao céltico e do oeste de Escocia, os rapantes e os peixe sapos da Zona VI no caladoiro do Gran Sol, anáis do ollomol e os alfonsinos. Fóra do contexto bilateral co Reino Unido e en relación co TAC, o ministro instou a fixar o TAC de xarda debido ó próximo comezo desta pesqueira en España, e ao atún branco ou bonito, sector no que España se opón a sufrir as penalizacións que se impoñen por sobrepesca que outros países reealizaron.De se lograr esa fixación de TAC para a xarda que lle corresponde a España queda por decidir que vai facer a Secretaría General de Pesca en relación ós dereitos que se lle recoñecen ás frotas de Euskadi e Cantabria e que se lles negan ás de Galicia e Asturias, polo que superar as eivas comunitarias non garanten repartos xustos de cotas para a frota galega, que ten  na xarda o seu verdadeiro cabalo de batalla .

Outros artigos

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...

+

“Paz profesional”. Alberto Barciela

En los primeros días de la Guerra Civil española, contemplando una parada militar en la rúa del Villar de Santiago, preguntaba un paisano a otro: “a ti que che parece todo isto?” El otro le contestó, “por un lado ti xa ves e polo outro, que queres que che diga?” A lo...

+

“10 años del reinado de Felipe VI” – Manuel Domínguez

Se cumplen diez años del reinado de Felipe VI, el paso de los diez años se nota en su rostro, se nota en que las niñas crecieron, la heredera al tono, ya esta pasando por las fuerzas armadas, mas tarde complementara con otros estudios. La cosa, es la pregunta obvia,...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...