Este 28 de xaneiro comeza a funcionar en Rianxo un servizo de reparto a domicilio que ten dous obxectivos fundamentais: favorecer unha vía alternativa para que o tecido hostaleiro e comercial do municipio poida seguir en certa medida a súa actividade e, tamén, facilitar á cidadanía (no medio deste contexto de restricións e limitacións diversas) o acceso aos produtos dos establecementos rianxeiros.
Trátase do servizo Rianxo na túa Porta, impulsado pola plataforma local Mercarianxo e outros establecementos e negocios locais, co obxectivo de acurtar ao máximo as distancias entre as empresas locais e os seus clientes, e facéndoo “de xeito cómodo, seguro e controlado”. Os pedidos faranse a través de só tres euros por encarga.
Dende Mercarianxo explican que o servizo está a disposición das empresas locais e dos particulares quere queiran recibir deste xeito cómodo as súas compras, pedidos dun restaurante ou calquera outro recado no propio fogar.
Para contactar, as persoas interesadas poden chamar ou escribir por Whatsapp ao 633 835 911, ou ben enviar unha mensaxe ao correo electrónico rianxonatuaporta@gmail.com sen compromiso.
