O Concello de Boiro anunciou que avanzan a bo ritmo as obras de pavimentado e mellora de redes de servizo na estrada que une A Boliña coa avenida da Constitución (unha lonxitude de 185 metros lineais). A actuación vaise levar a cabo con cargo ao Plan de Obras e Servizos da Deputación Provincial da Coruña e, con ela, realizarase a renovación dos sumidoiros, o pavimentado da vía e o abastecemento de auga potábel.
O Concello explicou que o lugar onde se está a actuar presentaba deficiencias nas redes de captación de pluviais e, as choivas abundantes provocaban problemas de seguridade viaria. “Amais”, fixo saber o Goberno local, “o abastecemento estaba obsoleto, polo que requiría grandes gastos de mantemento e precisaba dunha renovación e separar correctamente a rede de pluviais do saneamento existente”.
O importe desta actuación, que se realiza con cargo ao Plan de Obras e Servizos da Deputación Provincial da Coruña, ascende aos 39.561,47 euros.
A obra estase a executar nas dúas marxes da estrada, instalando unha rede de pluviais con sumidoiros de captación de auga. Nas dúas marxes vaise realizar unha beirarrúa de formigón, por
