A Marea Cidadá de Noia entende que se debería ter avisado ao resto de grupos da corporación, así como ao conxunto da poboación, da solicitude dun cribado para Noia.
Dende a Marea Cidadá de Noia queren facer patente a súa incredulidade, ante a falta de información que o Alcalde está a proporcionar ao resto de grupos da corporación. Tras retiradas peticións de información por parte da Marea Cidadá de Noia, e tras ter esta mesma presionado para que o Alcalde solicitas un cribado para Noia durante máis dunha semana, o partido local enterouse de dita petición pola prensa.
Nun artigo publicado hoxe polo xornal La Voz de Galicia, segundo indica a formación de esquerda noiesa, infórmase de que o pasado 15 de xaneiro se tería solicitado dito cribado á Consellería de Sanidade. Esta información foi confirmada polos socios de goberno doactual rexidor, o N.O.I.A., unhas horas despois na súa páxina de Facebook.
Dende a Marea Cidadá queren denunciar esta falta de respeto institucional, así como a ocultación de información de moita relevancia. Dende a Marea Cidadá, esixenlle agora ao rexidor noiés que faga pública a resposta que obteña da Consellería, de xeito oficial e tan axiña como fora posible.
A Marea Cidadá viña denunciando dende facía semanas a falta de iniciativa por parte do actual goberno á hora de tomar medidas contra a pandemia, mentres o número de casos do Concello non deixaba de dispararse.
