O miradoiro da Pedra da Ra mellorou a súa accesibilidade grazas á creación de novas sendas que garanten o tránsito de usuarios con mobilidade reducida. Os visitantes poderán desfrutar dun miradoiro más accesible trala construción de dúas novas vías de acceso. Unha destas sendas conduce ata o piñeiro situado nas inmediacións, con vistas cara o Parque Natural de Corrubedo. Doutra banda, tamén se prepararon dúas prazas de estacionamento adaptadas a persoas con diversidade funcional.
O proxecto foi elaborado por Carlos Seoane, o mesmo arquitecto que deixou súa firma no 2016, logo de remodelar de forma íntegra o miradoiro. Esta actuación gozou dun gran recoñecemento, non só a nivel local, tamén internacionalmente, xa que foi seleccionada para as bienais de arquitectura de Venecia e Arxentina. Ademais recibiu os premios COAG, Enor e FAD. A
O investimento total da actuación foi de 47.795 euros, co-financiada pola Consellería de Cultura e Turismo da Xunta. A execución foi da man de Sonense de Granitos S.L.
