Os traballos de limpeza do leito do tramo dos ríos Morto e Xunqueiras comezaron este xoves 3 de decembro. O alcalde de Pobra, Xosé Lois Piñeiro, e a Concelleira de Servizos Municipais, Estefanía Ramos, trasladáronse ata o perímetro para explicar que “os labores terán continuidade os vindeiros días e que inclúese a limpeza de vexetación que invade o leito e a xestión de residuos vexetais, nalgún caso alóctonos, polo que hai que actuar con prudencia e coidado”.
A empresa encargada de realizar o traballo é Tragsa e conta cun presuposto de 15.415 euros con cargo aos orzamentos municipais. O rexedor informoulles de que “se trata dunha zona recoñecida como Área de Risco de Inundacións e que se depositan alí sedimentos cada ano”. Esta é unha das razóns, dixo, polas que segue a medrar a vexetación. Sen embargo, dificulta o paso da auga. Por iso resulta imprescindíbel arranxar este problema, xa que pode poñer en perigo á cidadanía ante posíbeis asolagamentos.
Doutra banda, valórase a retirada do sedimento para mellorar a evacuación fluvial, pero xa cara vindeiros anos. O mandatario local sinalou que “a actuación no acceso ao centro educativo procurou facerse coa maior dilixencia posíbel”.
