O Concello de Boiro pospón as actividades culturais previstas dentro da programación de Nadal por mor da COVID–19. A Concellería de Educación, nunha xuntanza celebrada a semana pasada, sinalou que “hai que esperar a que avance a situación e mellore o número de contaxios do municipio”. Nos vindeiros días decidirase se seguen aprazadas as actividades ou ben serań reprogramadas.
A única actividade que poderá levarse a cabo será o Escape Room, xa que segundo as Concellerías de Cultura e Comercio, promove o comercio local e realizarase no exterior, en grupos reducidos de 4 persoas como máximo. De feito, hai varios días programados para o seu desenvolvemento. Poderase efectuar o 23, 26, 29 e 30 de decembro, así como o 2 de xaneiro en horario comercial. Polo momento, na iniciativa participan 24 comercios.
Os participantes do xogo, deberán buscar pistas nas imaxes que se poñerán nos escaparates dos comercios boirenses e que estarán elaboradas pola asociación Ollaparo. Isto farase a través dunha aplicación móbil. Haberá preguntas que deberán contestar en equipo para resolver ás cuestións. O equipo que consiga realizar as probas e as pistas no menor tempo posíbel, será o equipo gañador. O premio será un vale para a realización doutro Escape Room na sala Hyde Escape Room de Lugo. Tamén realizaranse sorteos entre os participantes, co fin de fomentar o comercio local.
