A concelleira noiesa de Comercio e Hostelería Laura Salgado, e as monitoras da Asociación SocioCultural O Besbello, presentaron os días pasados o Obradoiro de Nadal 2020 – Museo do Mar de Noia. Trátase dunha actividade formativa e dinamizadora dirixida a nenas e nenos de entre 4 e 12 anos, que se vai desenvolver todos os días da semana, durante estas festividades e agás festivos, no seguinte horario: de luns a venres polas tardes (de 17.30 a 19.30 horas) e de sábado a domingo (de 11.00 a 13.00 horas no Museo do Mar de Noia).
Segundo informaron, non é precisa a inscrición previa e, ademais, aforamento está limitado a unha ducia de rapaces. A admisión é por orde de chegada. O programa inclúe actividades de temáticas moi variadas (obxectos creativos, contacontos, maxia).
