Lía, unha nena de catro años de Noia, gañadora do concurso de postais do Nadal do Colexio de Podólogos

O Colexio de Podólogos de Galicia outorgou o premio do seu concurso de postais do Nadal a Lía, unha nena noiesa de catro anos. A segunda edición do certame, que vai dirixido a nenos e nenas de entre tres e seis anos, ten como principal propósito que os máis pequenos presten atención a seus pés e coñezan máis sobre o seu coidado.

Desta volta, o deseño de Lía saíu gañador entre máis de 460 propostas por nenos de todo Galicia. A postal de Nadal, que se converterá na postal institucional coa que se felicitarán as festas, recrea uns edificios en forma de pés, coa lenda Por un Nadal sempre en pé, facendo alusión ao tempo pasado en confinamento durante este ano.

Doutra banda, a gañadora recibirá de obsequio unha caixa de agasallo dunha “estadía familiar e actividades e parques temáticos”, onde poderá elixir entre os máis de 500 hoteis con actividades familiares e entradas a parques temático de España, Andorra e Portugal. Ademais, tódolos participantes recibirán como premio un set de pintura.