Este sábado 5 de decembro a Sala Arcos Moldes do Auditorio de Rianxo acolle o espectáculo A viaxe de José do Campo, unha historia musical dende o Courel ata Nova Orleáns interpretada pola Asociación Cultural e Folclórica o Fiadeiro xunto con antigos alumnos e alumnas da ESAD de Vigo. Trátase dunha cita para todos os públicos coa música, o baile e o teatro tradicional da nosa terra. Quen queira coñecer anticipadamente parte do contido, pode visualizalo nun vídeo pendurado no Youtube.
A viaxe de José do Campo é un espectáculo baseado no libro-disco homónimo editado por Ton e Son Editorial co Fiadeiro e creado por Xavier Balsas e Rafa Crespo en 2015.
Será a partir das 20.00 horas e, virá, novamente e por mor da COVID-19, con aforamento limitado (polo que é preciso reservar entrada previamente en auditorio@concelloderiaxo.gal ou no teléfono 664 183 217, do 30 de novembro ao 04 de decembro, de 09.00 a 13.30 h en días laborais).
