A banda Human, un trío de rock e soul formado por Martín Sánchez, Marcos Outeiral e Ricardo Boo (músicos pobrenses), debutará o sábado 12 na localidade. Do mesmo xeito, o grupo vigués Broken Peach, que fusiona música e espectáculo nas súas actuacións e interpreta varios estilos, tocará na Pobra o sábado seguinte, 18 de decembro. Os concertos celebraranse no teatro Elma ás 20:00 horas, pero as portas comezarán a abrir a partir das 19:15 da tarde.
A iniciativa foi proposta pola Concellería de Cultura do Concello da Pobra, da man da produtora Silencio Roto. Estes sinalan que “en todo momento, respectaranse as medidas por mor da COVID–19”. As persoas que queiran asistir, deberán reservar a súa entrada de balde a través do seguinte teléfono de contacto: 678 998 247.
