A Escola de Música Tradicional de Lousame consolídase co aumento de alumnado

03 Decembro 2020

A Escola de Música Tradicional do Concello de Lousame está a ter unha moi boa resposta por parte dos veciños á hora de anotarse ás súas clases. Esta situación fai que o proxecto se consolide no municipio, cun total de vinte alumnos e alumnas que acoden tódolos martes ás clases de Fernando Docampo na Casa da Cultura municipal.

A pandemia da COVID-19 fai que as clases sexan moi personalizadas, para evitar así calquera risco innecesario. A iniciativa, impulsada pola asociación O Son do Pote, organiza as clases mediante a división de grupos de catro alumnos e alumnas para crear música con instrumentos tradicionais galegos.

A día de hoxe, a Escola de Música Tradicional está pendente da evolución da pandemia para poder novas iniciativas en marcha: “neste momento non podemos facer actuacións, que é unha das partes que máis desfrutamos”, afirmou o presidente de O Son do Pote, Francisco Valiño. Doutra banda, a concelleira de Cultura, Silvia Agrafojo, sinala que “para o Concello de Lousame é unha honra contar cunha escola de música tradicional como a do Son do Pote”.

A asociación de música tradicional agradece o bo trato recibido tanto polo Concello como por parte do alumnado, dende a creación da Aula de Lousame da UNED Sénior fai sete anos ata a entrada do músico Fernando Docampo como profesor, que dou pé á Escola de Música Tradicional. “Agora decidimos facer clases máis individualizadas, e o Concello apoiounos totalmente na creación”, apuntou o docente responsable, Fernando Docampo.

O Concello de Lousame impulsou este proxecto coa subvención económica e a cesión do espazo da Casa da Cultura para impartir as clases. A matrícula para inscribirse na Escola de Música Tradicional de Lousame está aberta durante todo o ano, mais este ano non é posible inscribirse dado que as limitadas prazas, por mor da COVID-19, está ocupadas.

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...