A Cofradía da Dorna agasalla suadoiros á comunidade de AMBAR

Este 22 decembro a Real e Ilustre Cofradía da Dorna, impulsora da histórica festividade ribeirense do mesmo, formalizou una acto solidario coa asociación local AMBAR de persoas con diversidades funcionais e cognitivas, coincidindo co inicio das vacacións de Nadal. En concreto, a confraría fixo entrega ás e aos integrantes da asociación dun lote de suadoiros dorneiros, “un agasallo que representa o noso compromiso coas iniciativas sociais de AMBAR e un exemplo da alianza que existe entre ambas entidades”, explicaron dende a confraría.

A Cofradía da Dorna, que ten unha masa social de case 1.500 persoas, lembrou que foi en orixe unha entidade solidaria, que xurdiu co obxectivo de botar unha man a aqueles mariñeiros local que non tiñan recursos para realizar o seu labor diario. Esta vontade social segue presente, explica a directiva da entidade, de aí o compromiso con AMBAR, entidade coa que se ten colaborado nas anteriores edicións da Festa da Dorna a través do fondo social co que conta a confraría. AMBAR agradeceu novamente a colaboración da irmandade dorneira.