A Casa da Cultura da Pobra acolle a mostra fotográfica sobre Madagascar de Elena Aycart

03 Decembro 2020

Dende A Pobra do Caramiñal chegaba hoxe o aviso da inauguración da exposición fotográfica Madagascar: a illa única, de Elena Aycart, compilación de imaxes que se poderán ver na Casa da Cultura Raquel Fernández Soler dende este 3 de decembro deica o 6 de xaneiro.

As encargadas da presentación foron a concelleira da Cultura, Patricia Lojo (PSdeG-PSOE) e a propia artista, Elena Aycart.

En canto á mostra, dicir que consta dun total de 28 imaxes que reflicten a realidade deste anaco de África “tan descoñecido para moitos. Segundo apuntou a propia autora, con esta exposición preténdese “non só destacar o aspecto estético, senón algo moito máis profundo que conteñen: a realidade que hai detrás desta illa” para sensibilizar sobre ela.

A autora deste traballo, Elena Aycart (Madrid, 1990), explicou que Madagascar salienta polo seu ecosistema rico, con gran parte da fauna e flora endémicas, pero tamén salienta por ter que facer fronte a problemas humanos e ambientais. Entre os seus maiores desafíos está a deforestación, que supón un reto para a poboación local e para a biodiversidade, á cal hai que sumar a porcentaxe de persoas que viven por debaixo do limiar da pobreza e sofren malnutrición. Así, o obxectivo deste proxecto fotográfico é dar a coñecer esta realidade e reflexionar sobre as posíbeis solucións, para que no futuro Madagascar continúe a ser unha illa única.

Engadir que a viaxe tivo lugar a finais de 2019 da man da Sociedad Geográfica Española e de Emma Lira, redactora de guías para Lonely Planet e colaboradora da National Geographic.

A fotógrafa quixo engadir que arestora atópase vinculada á localidade, amais de se atopar inmersa na realización dunha serie de acuarelas e pinturas relacionadas coa Pobra para “visualizar esta zona”.

Subliñar que as visitas a esta exposición pódense realizar de luns a venres, en horario de 10 a 13 horas e de 17 a 20 horas, seguindo as medidas implantadas por mor da COVID-19.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...