O cribado realizado en Ribeira a persoas de entre 40 e 50 anos de idade concluíu no mediodía deste domingo cunha participación do 64,77% dos citados na lonxa.
En total, segundo informa a xerencia da área sanitaria de Santiago e Barbanza, estaban chamados a participar no cribado 5.001 persoas.
Finalmente, ao longo dos catro días que durou un proceso que arrincou o xoves, acudiron 3.239 ribeirense a realizarse as probas do coronavirus, o que supón un 64,77% dos chamados.
O cribado do Sergas centrouse na franxa de idade de entre 40 e 50 anos ante o incremento de casos e “a imposibilidade de seguir a cadea epidemiolóxica en moitos deles”.
Por outra banda as vítimas en Galicia elévanse a 1.069 tras falecer 7 persoas, seis delas usuarias de residencias . As vítimas que deixa a pandemia da Covid-19 en Galicia eleváronse este domingo a 1.069, tras falecer nas últimas horas sete persoas diagnosticadas de coronavirus. De todas elas, seis eran usuarias de residencias de anciáns.
Galicia rexistra un total de 9.298 casos activos por coronavirus
