O PSdG-PSOE de Ribeira lanzou un rogo para ser debatido en pleno relativo á situación na que se atopa a contorna de Padín en materia de accesibilidade, poñendo o foco, especificamente, no itinerario peonil da beirarrúa de Isaac Peral, na marxe dereita en dirección subida cara a rotonda de Padín. Segundo fan saber os socialistas, o percorrido por esta beira é un percorrido de risco para persoas con problemas de mobilidade, xa que faltan elementos de protección ante caídas, malia haber un treito de gran desnivel.
A agrupación pedirá ao Concello que se habiliten os elementos horizontais de seguridade precisos, no acceso da beira aos locais comerciais correspondentes, co “obxectivo de evitar caídas e golpes entre os usuarios”.
