O último balance diario publicado pola Consellería de Sanidade rebaixa de 10.276 a 10.109 o número de casos activos en Galicia, o primeiro descenso desde o pasado 7 de outubro. A caída rexsitrase en seis das sete áreas sanitarias.
O descenso de activos prodúcese nunha xornada na que se rexistraron un total de 707 altas epidemiolóxicas e 541 positivos mediante as probas PCR. Sanidade tamén notificou o falecemento de cinco persoas máis, que elevan a 981 o total de vítimas mortais na comunidade desde o estalido da pandemia.
Descenden as persoas actualmente contaxiadas por Covid-19 na área de Santiago, baixan de 1.689 a 1.623; en Lugo, ten 1.127 uns 30 menos que o sábado; Ourense, onde caen de 1.096 a 1.082, así como Ferrol, que baixa de 1.089 a 1.071.
Tan só a zona de Pontevedra, que pasa de 1.229 a 1.232 casos activos, rexistra un repunte de contaxiados na que é a segunda xornada de restricións nas sete grandes cidades galegas e 53 municipios, que inclúen desde o peche perimetral ata a clausura dos establecementos hostaleiros.
A área de Vigo, que o sábado marcaba o récord da pandemia, viu como o número de casos activos caía de 2.530 a 2.503, mentres que A Coruña mantense como a segunda área con maior incidencia do coronavirus ao contar con 1.868 casos (18 menos que o sábado).
