O Lab Barbanza enfía en novembro en Boiro a recta final da fase de incubación

05 Novembro 2020

Co remate do verán iniciou a súa andaina o proxecto Emprende – Lab Barbanza, que desenvolve o Concello de Boiro coa colaboración da Asociación Boirense de Empresarios (ABE) e con financiamento da Deputación da Coruña, co obxectivo de fomentar (achegando formación e asesoramentos avanzados) o emprendemento innovador e colaborativo a nivel local e comarcal. En termos concretos, o programa Emprende Lab Barbanza busca “impulsar e fortalecer o ecosistema emprendedor actual da comarca con novas compañías baseadas no talento, a innovación e o rápido crecemento”.

A sede de operacións formativas é o Centro de Formación e Viveiro de Empresas de Espiñeira, onde se atopa o Centro Coworking do Concello de Boiro. Segundo nos contou o Concello, neste intre estase a levar a cabo a fase primeira do programa, a de incubación, o que implica o desenvolvemento de obradoiros que apuntalen a capacidade de éxito dos proxectos participantes. Sen ir máis lonxe, este 3 de novembro realizáronse as sesións do módulo 6 do formación, o relativo a recursos de financiamento para emprendedoras e emprendedores. Porén, están pendentes dous módulos a maiores nesta primeira fase: o módulo 7, con formación sobre mercadotecnia (marketing) e vendas (que se vai realizar o día 10 de novembro) e o módulo 8, con adestramento en materia de comunicación e presentacións (pitching), previsto para o día 17 de novembro.

O Concello confirmou que logo desta fase de acubillo elixiranse 10 proxectos entre os 18 que están a participar no Lab Barbanza, para a seguinte fase do programa. Unha das características desta primeira andaina é a variedade temática das novas propostas de mercado que reciben formación, malia ter o nexo común do innovador. De feito, hai proxectos tecnolóxicos (como unha escola online de patronaxe e deseño, unha plataforma de xestión forestal ou un proxecto para impulsar a dixitalización dos negocios tradicionais), gastronómicos ou mesmo musicais.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...