O Concello de Lousame vén de investir 47.531,22 euros na substitución da depuradora de Marracín de Abaixo, con capacidade para atender as necesidades de 300 habitantes. O concelleiro de Obras, Ramón Martínez, explicou que estamos ante “unha actuación que redundará nun mellor servizo aos veciños e veciñas de Marracín e nun mellor coidado do noso medio ambiente”.
Tamén engadiu que se trata dunha actuación financiada con fondos propios debido “ás reiteradas avarías que viña sufrindo esta instalación, tras máis de trece anos de funcionamento”, dixo, lembrando que “durante o primeiro semestre deste 2020, o Concello de Lousame tivo que investir máis de 6.000 euros en distintas reparacións na instalación”.
