O Concello de Boiro levou a cabo a renovación do alumeado público na zona de Cimadevila. As 50 luminarias de vapor de socio e cor laranxa substituíronse por luces LED e de cor branca. Este investimento ten como principal obxectivo o aforro enerxético e a redución de emisións de CO2. A finalidade do Concello de Boiro é “dotar a todo o municipio dun alumeado público ecolóxico e de calidade”.
Esta iniciativa preséntase como unha continuación do plan de renovación do alumeado comezado o pasado mes de maio. Así Cimadevila súmase a Treites, Louriño, Brea, Valmaior, Vilariño, Sandrenzo, Comba, Cespón e Nine que foron os primeiros núcleos en cambiar un total de 600 luminarias. As novas LED, con potencias dende os 30w ata os 50w, contribúe co medio ambiente, reducindo os gases de efecto invernadoiro e asegurando a eficiencia enerxética e a visibilidade nos camiños e estradas.
Este investimento do Concello de Boiro de luminarias LED fabricadas en España supón un avance en canto ao seu compromiso co medio ambiente, xa que o alumeado reducirá a emisión de CO2 en ata 70 toneladas por ano. Ademais implica un aforro económico, nun total de 30.000 euros anuais. Por último, as LED posen un sistema para a telexestión remota, en caso dunha futura implantación da xestión informatizada do alumeado.