A Consellería de Sanidade notificou este martes o falecemento de nove persoas infectadas con coronavirus en Galicia, co que a cifra total de mortes desde o inicio da pandemia na comunidade elévase a 1.170. Un dos falecidos morreo n no CHUS na xornada deste martes. Tratábase dun home de 87 anos que tiña infección por coronavirus e contaba con patoloxías previas.
Por outra banda tres novos positivos elevan a 28 os alumnos contaxiados nos colexios do Barbanza. Deste xeito volven a subir os positivos esta semana e acadan os 28 escolares de 17 colexios e institutos os que ten contabilizados a Consellería de Sanidade. Así o Santa Baia de Boiro incorporou un neno máis, polo que xa suma cinco alumnos enfermos; outro se engadiu ao Número Un de Ribeira, que con este ten catro, e volve aparecer na listaxe do SERGAS o colexio Campanario de Porto do Son, que ten un estudante con covid.
Recuperou a actividade o centro de infantil e primaria de Palmeira mentres que A Milagrosa de Ribeira segue sin clase unha aula debido o contaxio dun alumno.
