No parque de Corrubedo acondicionada a ruta Camiño da praia e zona do monte do Vilar

29 Novembro 2020

A Consellería de Medio Ambiente, Territorio e Vivenda acaba de completar no Parque Natural de Corrubedo dúas actuacións orientadas a poñer en valor algúns dos seus espazos máis coñecidos e transitados.
Concretamente, trátase do acondicionamento da chamada ruta Camiño da Praia, un contrato que foi adxudicado o pasado mes de setembro por 7.631,54 euros, e do servizo para a rexeneración dunha zona afectada polos incendios forestais de 2016 no Monte do Vilar, por un importe de 1.343,10 euros.
Ambas actuacións, impulsadas pola Dirección Xeral de Patrimonio Natural, mobilizaron un investimento na zona de case 9.000 euros e contan con financiamento do Fondo Europeo de Desenvolvemento Rexional (Feder).
No caso da ruta Camiño da Praia, executáronse diversas actuacións de mellora e posta en valor nesta senda, uns traballos contemplados na planificación de actuacións para o período 2020-2030 no Parque Natural complexo dunar de Corrubedo e Lagoas de Carregal e Vixán, dentro do programa de uso público.
Concretamente, levouse a cabo o acondicionamento da fonte de Pipín, executando un acceso empedrado desde a pasarela que evite que os visitantes se acheguen ata a fonte campo a través. Así mesmo, acondicionouse tamén a mina de volframio mediante a posta a punto dunha senda de terra de 50 metros entre o camiño principal e o lateral da trincheira máis próximo ao mar, onde, ademais, o terreo forma un miradoiro natural sobre o parque; e procedeuse á instalación dunha mesa panorámica sobre soporte metálico que inclúe unha imaxe da zona na que se identifiquen os principais accidentes xeomorfolóxicos.
Polo que respecta á outra actuación, os traballos consistiron na colocación de carteis informativos sobre os labores de rexeneración realizados nunha zona de piñeiral, moi próxima ao centro de recepción de visitantes e propiedade da comunidade de montes de Vilar, que resultara afectada polos incendios ocorridos en agosto de 2016. Alén disto, reforzaranse os traballos de recuperación xa acometidos coa plantación en puntos concretos de pés de sobreira e de carballo.

Outros artigos

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...