Lousame conmemora o 25-N con vídeos, fotografías e a lectura dun manifesto este mércores ás 13.00

25 Novembro 2020

Este mércores 25, Día Internacional contra a Violencia de Xénero, vén ateigado de actividades nos nosos concellos para conmemorar a loita conta a lacra social das agresións contra as mulleres. En Lousame, a concelleira de Igualdade, Silvia Agrafojo, dará lectura ás 13.00 horas a un manifesto institucional diante da Casa Consistorial, fronte ao photocall de A árbore do bo trato, campaña de prevención da violencia contra as mulleres que está a desenvolver este ano o Concello de Lousame.

O acto non vén inclúe un chamamento á participación presencial da veciñanza, a diferenza doutros anos e co obxectivo de manter activas as medidas de seguridade anti-COVID. A lectura si que será difundida a través das redes sociais, que, por outra banda, están a constituír o piar fundamental da programación de actividades do 25-N do Concello (pola seguridade que poñen en xogo as redes e tamén por ser o acubillo onde se desenvolve boa parte das comunicacións da mocidade).

Na web municipal están dispoñíbeis os vídeos da campaña A árbore do bo trato, unhas sobreiras de Seoane que recollen preto de medio cento de mensaxes contra a violencia machista e a prol da igualdade de xénero enviadas na súa gran maioría polo alumnado do CPIP Cernadas de Castro pero tamén polos maiores dos obradoiros Activa-Mente, persoal municipal e veciños e veciñas de Lousame. Os audiovisuais e/ou fotografías poden seguirse enviando por WhatsApp (689 126 385) ou por wetransfer (nos@noscomunicacion.com). Ao final de semana estrearase un vídeo con todas as achegas realizadas. A árbore do bo trato é unha campaña de prevención da violencia de xénero organizada pola Concellería da Igualdade do Concello de Lousame en colaboración co Pacto de Estado contra a Violencia de Xénero e o Ministerio de Igualdade. A campaña está financiada con cargo aos créditos recibidos do Ministerio da Igualdade.

Outras actividades

A maiores, dende o pasado mes de outubro o Concello de Lousame, en colaboración co CPIP Plurilingüe Cernadas de Castro, está a desenvolver o programa Lousame Coeduca, subvencionado pola Secretaría Xeral da Igualdade. “Trátase dun programa de actividades de sensibilización dirixidas a poboación infantil e xuvenil, dende 3 ata 16 anos para favorecer a coeducación e a promoción da igualdade de oportunidades, que fomenten a desaparición dos roles e estereotipos de xénero, o bo trato, e a mellora da convivencia familiar e na escola, en colaboración coa comunidade educativa; colexio, ANPA e familias”, explica a concelleira. De feito, a participación na campaña A árbore do bo trato figura entre as actividades que a rapazada do colexio realizará durante esta semana e a que vén.

Outros artigos

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...