No marco da programación conmemorativa do Día Internacional Contra a Violencia de Xénero, o estacionamento do Centro de Raqueta Santa Uxía en Coroso dá acubillo ao stand da Xunta do programa AgresiónOFF 2020: un punto informativo co que se pretende sensibilizar á poboación contra a violencia sexual e facendo fincapé no desmantelamento dos estereotipos de xénero.
Moitos estudantes dos centros educativos da contorna están a visitar o dito emprazamento, ao que acudiu tamén a concelleira de Igualdade, Ana Ruiz. A estrutura ficará alí ata as dúas da tarde.
