A Fundación Museo de Artes do Gravado e Estampa Dixital comunica que xa está a aberta a convocatoria do duodécimo Premio Internacional Atlante de Gravado, a edición 2020. Nas bases do galardón especifícase o establecemento de catro galardóns: o Premio Ramiro Carregal de Gravado, de 5.000 euros; tres recoñecementos dotados con 2.500 euros cada un; e un Premio Especial Pedras de Santiago, que vén con 2.000 euros, para un artista nacido ou ben residente Galicia.
O xurado estará formado por 5 personalidades do mundo da arte, concretamente Manuel Ayaso, pintor e gravado, José Daniel Buján, director da Biblioteca de Galicia, Alfonso Costa, pintor e gravador, Carmen Hermo, doutora en Belas Artes e gravadora, Juan Monterroso, decano da Facultade de Xeografía e Historia da USC, José Manuel López Vázquez, catedrático da Facultade de Xeografía e Historia da USC, Isabel Pintado, pintora, gravadora e docente. O veredicto emitirase no prazo máximo de dous meses desde o remate do prazo de entrega das obras.