O Concello de Noia vai convocar unha xuntanza esta semana para clarificar dúbidas arredor das axudas para a reactivación económica a través do programa PEL-Reactiva da Deputación da Coruña, uns apoios para que comercios, pequenas empresas e negocios de hostalería poidan coller folgos para saír da crise provocada pola COVID. A reunión informativa será este 12 de novembro ás 20.30 horas no Coliseo Noela, e vai especialmente dirixida a persoas autónomas e microempresas.
Por cuestións de seguridade e limitación de aforo, o Concello prega que as persoas interesadas se inscriban antes chamando ao teléfono 981 377 708 (entre as 9.00 horas e as 14.00).
O Goberno noiés tamén recorda, respecto das ditas axudas, que poderán ser solicitadas até o día 25 de novembro ás 14.00 horas na sede electrónica do Concello, dispoñíbel en noia.sedelectronica.gal. As peticións presentaranse, polo tanto, por vía telemática.
