O Concello de Ribeira porá en marcha unha serie de actos conmemorativos do Día Internacional contra a Violencia de Xénero. O calendario de actividades foi modificado nos últimos días debido ás novas limitacións pola COVID-19.
A celebración do 25N comezará o mércores 25 ás 10 horas, da man dun obradoiro a pé da rúa denominado Fagámolas visibles, e que terá lugar na Praza do Concello. De seguido, a partir das 13 horas, será o momento da lectura dun manifesto institucional, para despois proceder a gardar un minuto de silencio en honra ás vítimas por violencia de xénero.
Doutra banda, o espectáculo Arrieiras. O Camiño dos Contos, que estaba planificado para o pasado 19 de novembro no Auditorio, pasará a emitirse o 25 de novembro ás 10:30 horas, vía streaming no CEP de Artes e de Carreira.
Finalmente, a entrega de premios do Concurso de Poesía Urbana prevista para o 26 de novembro no Auditorio, queda cancelada debido á situación actual do municipio por mor da pandemia.
