A área de Promoción Económica da Deputación da Coruña destina este ano máis de 1 millón de euros en axudas para apoiar o sector primario da provincia coruñesa.
Parte destas axudas publícanse hoxe no BOP, que supoñen o apoio a 31 entidades agrarias e labregas para a adquisición de equipamento e mellora de infraestruturas e a 30 confrarías de pescadores e agrupacións marisqueiras para a contratación de persoal e a modernización dos seus procesos de produción e comercialización.
O ente provincial publica hoxe, 4 de novembro, no Boletín Oficial da Provincia (BOP) a concesión provisional das axudas ao sector da agricultura, no que investirá 114.740,80 euros. As subvencións, que beneficiarán a un total de 31 entidades agrarias e labregas, están orientadas ao fomento do sector primario e permitirán adquirir equipamento e mellorar infraestruturas, “impulsando a actividade dun sector chave como é o agrario ou o lácteo na economía coruñesa”, afirmou o presidente da Deputación, Valentín González Formoso. As axudas oscilan entre un mínimo de 1.400 euros e un máximo de 7.400 euros.
Tamén se publica hoxe no BOP a concesión definitiva das subvencións para apoiar a 30 confrarías de pescadores e agrupacións de mariscadoras e mariscadores da provincia na contratación de persoal e na modernización dos seus procesos de produción e comercialización, para o que investirá un total de 445.996,40 euros.
González Formoso destacou que as axudas permitirán “apoiar a un sector de grande importancia social e económica na provincia e en toda Galicia”, destacando tamén que unha parte destes fondos contribúen a manter e crear emprego no sector pesqueiro e marisqueiro coruñés.
Contratación e mantemento de persoal, mellora da produción e da comercialización de produtos, servizos de vixiancia, gardapesca e control, adquisición de sementes de moluscos ou o impulso da pesca costeira artesanal e do marisqueo a flote, son algunhas das accións nas que se investirá a través desta liña de subvencións. As axudas oscilan entre os 3.703 euros e os 18.000 euros.
Da comarca recibirán axuda:
| Beneficiario: COMUNIDAD VECINAL MONTES EN MANO COMUN PARROQ.ARTES RIVEIRA Obxecto: ENSANCHAMENTO DE PISTA DO MONTIÑO A SEGO E CONSTRUCCION MURO | 3.120,00 € |
Beneficiario: COMUN.MTE.VV.M.C.BARBANZA ENXA XIAN DORDO COSTA D ABAIXO SOBRADO Obxecto: DINAMIZACIÓN DAS SALAS DO CENTRO DE INTERPRETACIÓN DOS APROVEITAMENTOS FORESTAIS NA COMUNIDADE DE BAROÑA
| Beneficiario: COFRADIA DE PESCADORES DE CARREIRA Y AGUIÑO Obxecto: ADQUISICIÓN DE SEMENTE DE MOLUSCOS | 11.200,00 € |
| Beneficiario: COFRADIA DE PESCADORES DE MUROS Obxecto: GASTOS DO PERSOAL DA ACTIVIDADE DE CONSULTA E COLABORACIÓN COA ADMINISTRACIÓN E ASESORAMENTO DOS MEMBROS | 17.000,00 € |