As entidades deportivas e institucionais do concello Rianxo veñen de xuntar forzas, novamente, para mostrar o seu total rexeitamento á violencia contra as mulleres en calquera das súas manifestacións, nesta data sinalada do 25 de novembro.
Así, malia que este ano non foi posíbel realizar, como viña sendo habitual, unha acción colectiva e multitudinaria en contra desta lacra (por exemplo a andaina colectiva e os adestramentos previos), as entidades quixeron deixar claro que a loita segue, e ademais con folgos renovados dado o incremento de casos de agresións que se constatou co inicio das restricións motivadas pola pandemia. Os clubs e asociacións tamén mostraron a súa esperanza en poder contar, para o ano vindeiro, coa seguridade sanitaria requirida que permita a celebración da tradicional andaina en contra da violencia.
Estas son as entidades participantes:
Club Baloncesto Rianxo – CBRianxo, Club Remo Rianxo, Club Piragüismo Rianxo-Rianxo, Club Voleibol Rianxo, CCD Taragoña Fútbol, C.D. Unión de Asados, S.D ARAÑO, Castro Barbudo Peña Cicloturista, Club Náutico de Rianxo, Escuderia Rallyactividad, Club Xadrez Rianxo, Barbanza ” Clinica Mares” R.C., Artes Marciales Mixtas Rianxo Mma, Motoclub Jas A Tope, Tríatlon Rianxo e Piscina Municipal de Rianxo.
