O Concello de Boiro promove os cursos de formación para o persoal municipal. Os axentes do corpo da Policía Local asistiron este pasado venres 20 de novembro a un curso de formación para a medición de ruídos. Mediante esta acción formativa, os axentes poden realizar as medicións acústicas no intre en que se producen queixas veciñais.
O curso de formación celebrouse no Centro de Formación e Viveiro de Empresas de Espiñeira, e asistiron un total de 12 policías locais. Durante catro horas capacitáronse nos aspectos básicos para empregar o sonómetro e poder facer medicións de ruídos.
Os axentes aprenderon os aspectos teóricos básicos á hora de facer avaliacións, así como as vertentes prácticas para realizalas. “Gracias a esta formación”, informou o Concello, “os propios axentes poderán desenvolver estas tarefas, evitando a necesidade de contratar o servizo a unha empresa externa, supoñendo un aforro á administración local”.