A asociación AMBAR, con sedes en Ribeira e máis na Pobra do Caramiñal, participou este mércores 26 no Día Internacional Contra a Eliminación da Violencia de Xénero, e fíxoo adheríndose á iniciativa De Fronte impulsada pola Deputación Provincial da Coruña. O obxectivo foi realizar un desafío poético no que os membros da asociación difundiran poemas de autoras recoñecidas como Gloria Fuertes e Rupi Kaur.
Ademais, a comunidade de AMBAR realizou unha pancarta e publicou un vídeo nas súas redes sociais con motivo da campaña Eu tamén digo non á violencia de xénero do Concello de Ribeira, á que se uniu a asociación. A pancarta foi fabricada no obradoiro de arte de AMBAR.