A lista de alumnos contaxiados na comarca segue aumentando e nas últimas 24 horas rexistranse catro positivos máis. Iso eleva os positivos a 13 rapaces de dez centros da comarca.
A Consellería de Sanidade comunicou que se detectaron novos casos no Centro Plurilingüe Galaxia de Ribeira no María Assumpta de Noia e ase mesmo dous casos no IES Félix Muriel de Rianxo.
Lembramos que Rianxo ten o maior número de positivos en centros con seis casos, en Boiro catro, Ribeira dous e Noia un.
Mentres a Consellería informa que a área sanitaria Santiago- Barbanza sube os seus positivos a 539, cinco mais que onte. Aumentan tamén os hospitalizados a 40, catro mais que onte (39 Hospital Clínico de Santiago: 5 deles en Unidades de Críticos + 1 no Hospital La Rosaleda). Os pacientes curados son 3.216 e os PCR realizadas suben a 75.655.
En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.203, deles 904 son da área da Coruña, 526 da de Lugo, 850 da de Ourense, 765 da de Pontevedra, 491 da área de Vigo, 539 da de Santiago, e 128 da de Ferrol. Do total de pacientes positivos, 36 están en UCI, 207 en unidades de hospitalización e 3.960 no domicilio. Polo de agora, en Galicia hai un total de 19.389 persoas curadas, rexistrándose 749 falecementos. O número de PCR realizadas é de 492.648.
