Suspendida a proba rianxeira da Liga Provincial de Piragüismo

Finalmente o Club de Piragüismo Rianxo e a Federación Galega de Piragüismo (FGP) decidiron suspender a proba que ía ter lugar en augas do concello esta fin de semana, no peirao do porto, en colaboración co Concello e a Deputación da Coruña. Trátase da quinta edición da Liga Provincial de Piragüismo.

A proba ía dar comezo este sábado 31 de outubro ás 14.00 horas e reunir a máis de 200 padexeiros de toda a provincia. Ía contar cun protocolo especial para garantir a seguridade dos participantes.