O Concello de Ribeira informa da adxudicación con carácter provisoinal das obras para a construción da nova pérgola da Estación de Autobuses da cidade que, cunha lonxitude de 67,75 metros, servirá de apeadoiro central deste servizo de transporte público e está chamada a ser un novo elemento singular no concello que estará emprezado no paseo do Malecón á altura da praza Heroínas de Sálvora.
A entidade mellor clasificada durante o proceso de contratación foi a UTE formada por Canarga S.L. e Abeconsa S.L.U.. A súa oferta entraña un prezo de adxudicación de 284.707 euros, IVE incluído, en tanto que o prazo de execución son nove meses.
Cinco bóvedas
Segundo o proxecto técnico, a infraestrutura estará conformada por cinco grandes bóvedas en forma de tella de 14,35; 13,14; 11,56; 14,91 e 13,79 metros de longo, con alturas que oscilan na parte superior entre os 4,15 e os 4,65 metros. Os arquitectos responsables da mesma, Santiago Rey Conde e Ismael Ameneiros Rodríguez, defínena como “un diseño atemporal, no lineal, con zonas de espera sentadas, espacios abovedados que amplían el espacio, formas alargadas que permiten proxección a gran cantidad de gente”.
