Rianxo en Común inicia unha campaña de recollida de sinaturas para reclamar o servizo presencial na Atención Primaria

19 Outubro 2020

A plataforma cidadá Rianxo en Común que coordina Julián Bustelo vén de iniciar unha campaña para solicitar que se adopten “os medios necesarios” para que “canto antes se reactive o servizo presencial” na Atención Primaria. A campaña colleu impulso o pasado venres 16, diante do Centro de Saúde de Rianxo, onde se puxeron modelos de reclamación a disposición da veciñanza. “En menos de dúas horas xa asinaran uns centos de persoas”, explica Bustelo, explicando que o principal obxectivo da iniciativa é “reclamar unha Atención Primaria reforzada e sen recortes que permita atender as necesidades da cidadanía e na que o persoal sanitario conte cos recursos axeitados para que as persoas doentes poidan recibir a atención que precisan cada momento”.

A respecto dos problemas que está a atopar o servizo médico a nivel local, Rianxo en Común lembra que “á situación de sobrecarga de traballo que padecían os profesionais da Atención Primaria antes da pandemia do coronavirus, engadiuse a realización de tarefas de diagnóstico, seguimento, illamento, funcións de rastrexo, etc; unha sobrecarga que está saturando o servizo e que está poñendo en cuestión a accesibilidade ao sistema sanitario público”, explica a plataforma criticando o feito que a atención telefónica corra o risco de converterse nunha ferramenta para obstaculizar ese acceso, máis ben o contrario: “A atención telefónica debe actuar como un filtro que que ordene a atención presencial, non que a substituía por falta de recursos para darlle cobertura ás demandas da cidadanía”.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...