O Concello de Porto de Son organiza este martes 13 pola tarde, en horario de 16.30 a 20.30 horas, un curso de balde de primeiros auxilios. A actividade formativa, que se celebra en colaboración coa Escola Galega de Saúde para Cidadáns, será na Casa da Cultura. Terá unha duración de catro horas.
Trátase dunha actividade gratuíta destinada a formar ás veciñas e veciños nas metodoloxías básicas que poden aplicar en situacións nas que teñan que intervir por motivos de urxencia e por non contarse coa presenza de persoal médico na contorna. A sesión correrá a cargo de persoal do 061.
Para máis información, cómpre poñerse en contacto co Servizo de Orientación Laboral do Concello de Porto do Son (jose.pazo@portodoson.gal).
